اول موقع للتواصل الالكتروني وبديل للفيس بوك بايدي مصريه مئه بالمئه

www.egyptegate.com

ان ايجيبت اي جيت او بوابة مصر الالكترونيه هو اول موقع تواصل الكتروني مصري مئه بالمئه بديل عن الفيس بوك و تويتر والعديد من مواقع التواصل الاجتماعي وبه مميزات كثيره تجمع بين الفيس بوك والتويتر والياهو والجي ميل الي جانب العديد من المميزات الاخري الغير موجوده باي من تلك المواقع العملاقه .....

ونحن نريد مساعدتكم في نشر هذاا الموقع والتعريف به واعطائه درجة كبيرة من الشعبيه تسمح لنا بجعله البديل الامثل للفيس بوك وغيره في مصر والوطن العربي 

... هذا الموقع له حكايه سوف اسردها عليكم في القريب العاجل عندما يتاح لي المزيد من الوقت لاستخدام المدونه ... وارجو منكم التفاعل معنا دائما سواءاا بالاقتراحات او بالشكاوي .... وشكرا لكم 

رابط لصفحه من صفحاتي علي الفيس بوك

http://www.facebook.com/pages/وثائقيات-الي-الابد-شاهد-افلام-وثائقيه-علي-اليوتيوب-/144119242303174

صفحة شاهد افلام وثائقيه علي اليوتيوب
تمتعو معنا بمشاهده افلام وثائقيه مختاره بعنايه من اليوتيوب مباشرة

اتعجب دائما كيف انني كنت طفل صغير احبو في ارجاء المنزل ارقد علي ساقي امي وابي انهل من حنانهما وعطفهما علي ..وفجاة اصبحت اسعي بكل جهدي الي الخروج من دائرة عطفهم وحنانهم للبحث عن ذاتي وان اقول انه لابد لي يوما من الايام ان ابدا حياتي واعيد تكرار ماعشته من فرح وسعاده او الم وحزن وغضب لكن في بيت جديد ومع اطفال جدد ..اتعجب ولا ينتهي ولن ينتهي تعجبي الا بساعة اتذكر فيها كل ماسبق وتسقط علي جبيني دمعه اسي تتبعها شهقة تفيض منها الروح الي بارئها ...هذا انا وهذه هي حياتي ...انا الانسان الغريب العجيب الذكي الغبي والمتناقض هذا انا وهذه حياتي وذكرياتي .

حكاية "بالنظام والعمل "

(النظام والعمل)..كانت امي تردد دائما هاتين الكلمتين كثيرا وانا طفل وكان والدي دائما مايكررالحديث عن اهمية النظام والغريب انني لم ادرك اهميتهما حتي كبرت...لقد اكتشفت ان هاتين الكلمتين هما اساس رقي ورفعة اي بلد او ارتقاء اي انسان ......اعتقد اننا لا ندرك اهمية اي منهما في حياتنا وخاصة في مجال العمل وفي الاماكن الحكوميه بالاخص الا عندما نواجه رقابه او تفتيش او حتي ان يكون رئيس العمل  صارم في مجال عمله ويخشي الله وهي الحاله النادره طبعا ....لكن مادفعني لتذكر هذه الكلمه هو احد المواقف التي يتعرض لها البعض ويعتبرها امرا عاديا ..فقد حدث وللاسف ان ذهبت الي محطة القطارات كي احجز تذاكر للسفر لكن لسوء الحظ كان من يعمل في المكان حينها موظف بمعني الكلمه واعتقد ان هذه الكلمه يدركها جيدا ابناء جيلي ....فبداية من المظهر ...الرجل استيقظ من النوم للتو ...واعتقد انه من الطبيعي انه لايهتم لمظهره بسبب ضيق ذات اليد وقلة الراتب الحكومي .... يبدو من وجهه انه كان يصارع الكوابيس طوال الليله الماضيه بل واعتقد انه كان يصارعها طوال حياته .....حانق علي كل مايتحرك امامه سواء كان انسان او اي شيء ....يساله اي شخص عن اي شيء فيوميء له براسه ايمائه تبدو انها سوف تليها بصقه قويه في وجه من يساله ....يصرخ في الناس كانه قائد عسكري في ميدان المعركه واعتقد انه كان من المفترض ان يقابلهم بابتسامه !!لكن كيف وهو موظف ؟؟ .....اتت سيده اجنبيه تحجز تذكره فتحدث معها بلغة انجليزيه مدمره منذ العدوان الثلاثي علي مصر تقريبا ولم يعمل علي تصليحها ابدا .... تحدثث معها بعصبيه وظل يشيح وجهه عنها طوال الوقت كان الشيطان قد تجسد امامه في وجهها بل وظل يشير لها بيده بكل تكبر ان تعود قائلا come two o'clock !! وقفت السيده متعجبه وظلت تتحدث معه بغضب وهو يشير اليها ان تخرج من الصف .....واي صف هذا الذي يتحدث عنه بل اين هو هذا الصف من الاساس ...حاولت ان اتحدث مع السيده واهدئها الا انها اصرت انه يعاملها بهذه الطريقه لانها ليست مصريه ...وياحسرة علي ماقالت فانها لو عرفت قيمة المصري في بلده لما قالت مثل هذه الجمله .....اوضحت لها ان تنتظر وتري طريقة تعامله مع الناس, وعرفت ان اسلوبه وطريقته لا تتغير الا ما ان يري مايلمع من شارات رجال الداخليه .......ذهبت اليه مرة اخري وظلت تصرخ فيه لبعض الثواني ثم غادرت ووجهها تحول من البياض الي اللون الاحمر كان الشيطان قد تجسد فيه فعليا.... ولا اعرف لم يرتبط الشيطان باللون الاحمر .... والغريب انها مع غضبها لم تنسي ان تشكرني قبل ان تغادر ولا اعرف علي ماذا !! ... المهم حاولنا ان ندفع الناس للوقوف والالتزام بصف واحد مع منع من ياتي من خارج الصف ...وقفنا وما ان جاء دوري حتي اشار لي دون ان يكلف نفسه بان يبحث في جهاز الكومبيوتر المتهالك الموجود امامه انه لا توجد تذاكر لليوم الذي اريد السفر فيه !!ثم تلاها قائلا ان الشبكه لاتعمل وانه غير قادر علي حجز التذاكر  .....تعجبت وثارت في ذهني فكرة انه يفعل هذا لانه يريد ان يبيع التذاكر بعد مرور بعض الوقت بسعر اعلي خارج شباك التذاكر ومن هو في حالة طارئه سيضطر ان يشتري ...... ذهبت لاحدث احد رجال الشرطه فقال لي ان اذهب الي قائده والعجيب انه هو وقائده تكلمو علي غير المعهود من رجال الشرطه بكل ادب وذوق بعكس رجل التذاكر مما زاد من تعجبي اكثر واكثر وجعلني هذا افكر انه ربما مازال هناك بصيص من الامل في اي مكان في مصر ....قال لي قائده ان اذهب الي ناظر المحطه وعندما وصلت اليه وتحدثت معه وجدت انه نفس عينة رجل حجز التذاكر نفس اسلوب الكلام ونفس الاجوبه بنفس الاسلوب المستفز والذي لم يتحسن قليلا سوي عندما جاء رجل الشرطه الذي سالته اولا حيث سال ناظر المحطه عن امكانية وجود اي تذاكر في بعض الايام التي قال عنها الرجل انها لا يوجد بها حجز وعن سبب سقوط  شبكة الحجز ....المهم انهم قالو لي ان اعود مرة اخري للصف وانتظر فهم سيرون مابامكانهم عمله ...... عدت الي الصف ولم اجد الرجل وظللت انتظر ساعتين .....لا اعتقد انه يدرك اهمية الوقت مثلما لاندركها نحن ايضا كما اعتقد ايضا انه حانق علي كل الناس لسبب لا اعرفه ....ربما يكون قلة راتبه او اعتقاده ان منهم امامه في حال مادي احسن منه مع انهم لايجتهدون مثله , وربما انه لايحب عمله لكنه مضطر ان يعمل كي يعيش ...او انه يكره كل من يمد له يده بالاموال لحجز التذاكر اعتقادا منه انه احسن منه او ايا يكن السبب الغامض ...لكنه لا يعطيه سبب كي يتعامل هكذا مع الناس .

عاد الرجل بعد الساعتين وجلس علي الكرسي يتفحص وجوه الناس بكل اشمئزاز .....وكنت رايت اثناء انتظاري شاب وثلاثة بنات يتحدثون لغة بدت لي اولا انها المانيه الا انه قالت احداهن  وكانت محجبه انها مغربيه وانهم اتوا من بلجيكا ....لا اعرف لم ربما انهم يدرسون هنا ....لكنها قالت ان هذا الوضع المقرف هو هكذا حتي في المغرب لا احترام للوقت ولا نظام بين الناس ولا اهتمام بالعمل ..وردت عليها سيده كبيره قائلة كل العرب هكذا..رنت هذه الكلمات في عقلي وتذكرت كلمات والدتي وظللت اصارع غضبي وحسرتي علي حالنا  لفتره طويله انتهت بان غادرت المكان بعد ان قال لي ذلك الرجل لثالث مره انه لاسبيل للحجز .........

المفيد من كل هذا الكلام انني اريد ان اعرف لم لا يوجد عندنا نظام ولا عمل فانا ان ذهبت الي مكان من الاماكن وحاولت ان ابدأ بنفسي بان التزم بالنظام اجد دائما من يدفعني للخروج عن النظام لانه من البدايه لا نظام عندنا

ثم انه طالما لا نظام عندنا فكيف نعيش ونعمل ....اعتقد انه عندنا بما انه لاقيمة للوقت فلا قيمة للعمل في عقل الناس .....كما انني اعتقد ان كثير من الموظفين يعملون لمجرد ان يقبضو راتبهم في نهاية كل شهر فهم لايحبون عملهم ولايسعون لتطوير انفسهم ولا حتي تحكيم ضمائرهم واتقان عملهم مجرد وظيفه تنتهي بالمعاش او انقضاء اجل صاحبها, ايهما اقرب .....وبما انه لا اهتمام بالعمل فمن الواضح انه لا وجود للرقابه وان تلك الرقابه هي مجرد رقابة شكليه تنتهي بان يحدث للرقيب ماذكرت بالاعلي وبالتدرج في مستويات العمل نجد ان معظم نظام العمل لا قيمة له ولا عائد قوي حقيقي منه ......النظام والعمل هما شيئين نبحث عنهما في كل مكان لكن اين نجدهما ....آلمني كثيرا بعد كل ماحدث هناك ان اسمع كلمة كل العرب هكذا ........لم علي الرغم من ان هناك من بدأ يتقدم من العرب فعليا ويطور من نفسه ظاهريا وداخليا ونحن نتقدم شكليا فقط بان نجمل الشوارع ونكثر من بناء الميادين وطلاء البيوت القديمه ............اين النظام والعمل واين الرقابه عليهما لابد ان نبحث عنهم جميعا وان نسعي للاهتمام بهم كلنا ...لكن قبل ان اختم اريد ان اكرر جمله قالها لي احد الاصدقاء من كازاخستان عندما كان نسير معا واراد ان يلقي شيئا في القمامه ..فقال لي غاضبا "مصر بلد غير نظيف" وسبب ماقال انه لم يجد سلة قمامه يلقي بها مافي يده ...هو يبحث عن النظافه في بلد هو غريب بها ونحن نرفع دائما شعار "وانا مالي ".

.....لابد ان نسعي جميعنا الي العمل بنظام ودقه والاهتمام بالوقت وبطاعة الله واتقاءه في اداء اعمالنا وارضاء ضمائرنا واحيائها ان ماتت والا فاننا لن نتطورونتقدم ابدا ...واخيرا اختم بقول الرسول الكريم عليه افضل الصلوت والتسليم إن الله يحب إذا عمل أحدكم عملاً أن يتقنه .

عجيب حالك يا................................................ايا يكن 

غالبا ما تصيبني حاله من الملل والاكتئاب المختلطه ببعض مشاعر الغضب والحنق بل واحيانا حالة من هيستيريا الضحك والسخريه وذلك كله عندما اشاهد برنامجا تليفزيونيا من تلك البرامج التي يقوم علي تقديمها ممثلين او مخرجين او ايا يكن من هؤلاء الشخصيات التي تظهر كثيرا في البرامج الحواريه كضيوف ويبتلينا البعض بهم في اوقات مثل شهر رمضان ويضعون لهم فكرة برنامج مخصص لهم ليقدموه .

انا لن اتكلم عن ما اسمعه منهم في بعض الحلقات لانني حقيقة لا انتبه لما يقولون لضيوفهم لانه غالبا مايكون سطحيا جدا ومملا ينتابه العديد من الضحكات من طرف الضيف والمضيف كلا منها لمجاملة الاخر وتستشعر انهما ينافقان بعضهما في كل حرف ينطقونه ...وحبذا لو كان احدهما انثي تسمع مجموعه من الضحكات الغريبه عقب كل جمله ....اما لو كان كلاهما اناث فيالها من حلقه التي تشاهدها تشعر انك تشاهد مسلسل تاريخي او مسلسل سيره ذاتيه يسعي كل من فيه الي ابراز انجازاته وماقد استطاع تحقيقه ...لكن الغريب انني طوال فترة مشاهدتي لتلك المهزله التي اكون شاردا طوال وقت بثها افكر كثيرا في كل ماتعلمته في فترة الجامعه من الصفات الواجب توافرها في المذيع من ذكاء وسرعة بديهه ولباقه و ثقافة واسعه .....الخ وهي غالبا مايفتقرها بعض هؤلاء الا من عقل منهم مايقول .

وكل التفكير الذي اعانيه يدفعني الي ان اصل الي نتيجة واحده مؤكده كنت قد توصلت لها منذ زمن الا انني اصريت علي ان اتجاهلها , وكانت هذه النتيجة هي ان كل ماتعلمته يتوجب علي ان اهمله طالما بدات في مشاهدة قنوات التليفزيون المصري او بعض القنوات المصريه الفضائيه الخاصه .....وقد قادني ذلك الي التعرف علي  نتيجة واحده مؤكده ايضا هي ان صاحب القناه دائما مايسعي الي الربح فلا يهمه مايقدمه البرنامج من معلومات طالما ان من يقدم البرنامج هو شخصية مشهوره ستفيد شهرته في جلب اعلانات للقناه مما يدر عليها بعض الارباح

لكن طالما ان الحال هكذا لم الاهتمام بتعليم الشباب من امثالنا وتدريس لهم المواد التي تتعلق بتقديم البرامج ؟؟؟

انها نظره سوداويه فعلا لكنها تاتي نتاجا لما نعيشه من واقع فنحن نتسائل لم نحن دائما في ركب الدول المتخلفه رغم كل مانسمعه من انجازات وتطورات لا نستشعر وجودها علي الواقع ..لكن كيف لنا ان نستشعر ذلك وكل الانجازات ليست لابناء الشعب بل هي لابناء التخبه الاقتصاديه واصدقائهم فاصبح كل مافي بلدنا يوزع كانه تركه مفقود اصحابها ..وهذا مرتبط فعلا بالموضوع الاساسي لانني ك شاب اعتقد انني اعمل وفي نفس الوقت لا اعمل فانا ابحث عن عمل منذ عام او يزيد علي الرغم من ان بعض الاصدقاء وجدو عمل في غمضة عين بل ودون النظر الي اي شهاده لديهم لانه ببساطه كان نتاج للوساطه والمحسوبيه وعندما وجدت انا عمل وتعلقت به لانه عمل احبه لم اتمكن من الحصول علي عقد حتي الان فانا والحمدلله اعمل من اجل الله والوطن::بصبر نفسي بالكلمتين دول :: J ثم افتح التلفاز كل يوم لاجد احد البرامج الجديده التي يقدمها احد الممثلين او ايا يكن من هؤلاء المشاهير وعلي الرغم من انه لا هدف من مثل هذه البرامج سوي الربح العائد للقناه كما قلت من قبل الا انني متاكد من انها تكون نتاج مجاملات لهؤلا الافراد جائت من احد الافراد ايضا في سهره او حفله او جلسه ايا كان نوعها ...واتحير كثيرا عندما انظر الي كل هذا والي الشهادات والخبرات المتراكمه عندي والي بعض ماواجهني من رفض وتعالي في بعض الاماكن والتي سوف اذكر بعض المواقف منها في موضوع اخر ..لكن حالنا * الحالي والوضع الذي نعيشه حقيقة لا يدفعني للاكتئاب لاني لن اتخلي عن هدفي في الحياه لكنه وضع محزن ومؤلم لانني كنت قديما اسخر من كل من وضع في موقف مثل الذي انا فيه الان قائلا انه متكاسل او متخاذل لكن حال البلد اصبح لا يسر سوي العدو فنحن نعاني من امراض متفشيه في مجتمعنا منها الوساطه او المحسوبيه والرشاوي والجشع والانانيه.....الخ ولابد لنا الا ننسي السفه..نعم فمجتمعنا الان يعاني والحمدلله من كثرة السفهاء ومعاونيهم فاجاركم الله واجارنا منهم واسأل الله لكم ولي الصبر والسلوان الي ان نستطيع تحقيق اهدافنا الخيره جميعا .

بسم الله الرحمن الرحيم .

كنت اتصفح اليوم اخر الاخبار ووجدت مقال للكاتب علاء الاسواني يقول فيه هل اصبح اساتذة الجامعه في مصر منافقين ....وهو يتعجب من حال بعض الجامعات المصريه ومايحدث فيها وحصول بعض الافراد علي شهادات الدكتوراه الفخريه من اساتذة الجامعات رغم عدم استحقاقهم لها واحجام بعض الاساتذه عن اعطائها لمن يستحق ..لكن السؤال الذي تبادر الي ذهني وقت قراءة هذا المقال هو لم كل هذا التعجب ؟؟....كل المصريين يعرفون مدي التسيب والفساد في بعض الهيئات الحكوميه ويستطيع ان يري ذلك كل من يضطره الزمان الي ان يدخل احدي هذه المصالح لعمل اي اوراق ...ناهيك عن النفاق بين الموظفين ومرئوسيهم و بين بعضهم البعض ...واذكر ان احد الافراد ذوي المهن المرموقه في المجتمع المصري قد حكي امامي ان احد زملائه في العمل راي رئيسه يدخل المسجد فسارع هذا الزميل للحاق برئيسه ليصلي الي جواره ..مع العلم انه لم يكن وقتها ذاهبا الي المسجد ليصلي به لكنه ذهب للمسجد لانه راي رئيسه يدخله ....وقد رايت تعجب الاستاذ علاء الاسواني من ذلك بل انه كتب في اخر المقال ان الديموقراطيه هي الحل ...لكن اين هي هذه الديموقراطيه التي يري انها هي الحل ؟؟.... والغريب ايضا ان الكاتب علاء الاسواني يتعجب من ان المجتمع قديما لم يكن به نفاق ولا فساد بالشكل الظاهر الان ...ولقد ذكرني ذلك ببعض المواقف التي حدثت معي في السنوات الماضيه فانا اذكر ان هناك بعض الافراد الذين لم يراعو ضميرهم ولا حتي يخافو ربهم ويتقوه ويتقنو عملهم فنري منهم من يساومك علي المال كي تحصل انت علي الخدمه التي من المفترض ان هذا الموظف ياخذ راتب شهري مقابل تقديم هذه الخدمات للناس ..لقد استشري الفساد في مجتمعاتنا لدرجة اننا اصبحنا لا نستطيع ان نقدم اي شيء او نحصل علي اي خدمه دون رشوه ....واصبح البعض يتحايل ويسميها اكراميه او هديه ...نسينا او تناسينا تحريم هذه الاشياء في ديننا كما رفضنا الاستماع الي الاحاديث النبويه التي تحث علي اتقان العمل ....انتهينا الي اننا كل يوم في حال اسوا مما قبله ومازلنا نمارس الهبوط عينه كل يوم دون حتا اي اهتمام منا بذلك ....الخدمات كلها اصبحت في الحضيض والحال لن يؤل الي زوال فهوو باق معنا الي الابد طالما لا نتغير ...اذكر انني دخلت مشفي مع مريض منذ فتره فوجدنا الممرضه تطلب مننا ان نخرج ونشتري له كيس محلول ...وذات مره كان يلعب بعض اصدقائي بسلاح فجرح احدهم يد الاخر وعندما ذهبنا به الي المستشفي كتبت لنا الممرضه قائمه من المطلوبات في ورقه كي نحضرها ....اذكر انني اثناء عمل اوراق التجنيد طلب مني المجند المسئول عن انهاء الاوراق ان اشتري له علب دبابيس للدباسة التي يستخدمها في مكتبه ...كما اذكر انني سمعت احد الافراد في ميكروباص يحكي لصاحبه انه بامكانه الحصول علي رخصة قياده مقابل 700 جنيه وحتي دون ان يذهب لاجراء اختبارات ...اتذكر العديد من المواقف التي لابد لك من انهائها برشوه والا فانك سوف  تعاني لمدة اسابيع او شهور للحصول علي ماتطلب .....كما انني اذكر انني رايت بام عيني العديد من المواقف التي ينافق فيها الافراد بعضهم فيعطوهم ما لا يستحقون دون اي وجه حق ويسبونهم بعد ان يغربو عن وجوههم ....اصبح حالنا غريب جدا فمن كل المواقف التي ذكرتها بالاعلي اقول اين هي الاموال التي تخصص لهذه الاشياء التي طلب منا شرائها ..مستشفي بلا ادويه !!! مكتب بلا دبابيس!!! افراد بلا ضمائر ؟؟ اين الرقابه علي كل شيء ؟؟؟...اين الفقيد الذي قتل غدرا بيننا وبايدي من سبقنا اين هو ماسميناه من قبل الضمير ... انني احلم ليل نهار ببلد نظيف... به تعليم متطور ...حفاظ علي صحة الافراد ورعايه طبيه متطوره ....اهتمام بكرامة الانسان لا امتهان لها ..بلد مثالي في كل شيء لا احتاج فيه الي وساطه لكي احصل علي عمل او درجه علميه او ايا يكن ....بلد يقتدي به في كل مكان....لقد كنا قديما من اعظم الامم لكننا الان اضعنا كل شيء اصبحنا نسمي  دولة ناميه والتي اري انها تعني حقيقة اننا امه تخلفت عن ركب بقية الامم ...تلك الامم التي استطاعت ان تجعل من نفسها مقياسا لنمو الامم وقوتها او ضعفها ....في مصر هنا كل الخير الذي نبحث عنه تخيلو هذه البلد التي اصولها ضاربة في القدم ...مرت عليها عصور من النهب والضياع والفساد الا انها مازالت مستمرة في البقاء بايدي اهلها وابنائها ...فكيف نسمح لانفسنا بان نستمر في هذا الضعف طالما ان هناك خير يكفي الجميع منذ القدم؟؟؟

الهدف هنا ان نسعي جميعنا الي البحث عن رفات ضمائرنا داخل تلك القبور التي سميناها عقولنا او قلوبنا لنبحث عنها جميعا  في كل اجسادنا ولنعيد تجميع تلك الضمائر ونسعي الي احيائها  ...تعالو نعمل بجد واجتهاد وصدق ولنتحري طاعة الله وعمل الخير حتي ننهض بانفسنا ونساعد من فقد سعادته لجوع او الم ....تعالو نعمل ونبدا من داخلنا لنحسن مافينا من مساوئ ونبدا في نشر الجميل منا في المجتمع ولنقتل السيء فينا ونبقيه في سجن داخلنا بدلاً من ضمائرنا ... تعالو نعيد لمصر مجدها وننهي الحلم ونبدا بالعمل ....اتمني دائما ان اري حال مصر افضل من قبل يوما بعد يوم ..واتمني ان ياتي اليوم الذي نصبح فيه اعظم الامم لا بالنفاق والخداع وانما بالعلم والاخلاق ...وختاما اقول ماقاله امير الشعراء احمد شوقي :

                        انما الامم الاخلاق مابقيت    فان هم ذهبت اخلاقهم ذهبوا . 

عمله وفكره

-     هاهي اراها انها تسقط بسرعه  وتتطاير مع النسمات ..يلمحها طفل صغير فيسرع نحوها متلهفا ..وتتطاير هي بسرعه كانها فريسه تجري هربا من وحش يسعي لاصطيادها ,, وانا اقف بعيدا انظر الي كل   منهما بتعجب وعلي وجهي ابتسامه لا استطيع ان اخفيها يراها من يراها علي انها ابتسامة بلهاء لاسبب لها لكن اعتقد ان هذه الابتسامه والفكره التي صاحبتها هي سبب مافعلته بعد ذلك من جنون .

 

-     اري الطفل وقد استطاع ان يمسك فريسته وفي عينيه نظرات الزهو والانتصار وتكاد السعادة تقفز منهما , يسرع الطفل نحو المتجر الواقع بين كل منا  واسرع انا نحو الطفل لانقاذ الضحيه ويجري هو        واسرع انا في السير حتي اسبقه او اصل اليه قبل ان يصل هو الي المتجر ثم انظر اليه بابتسام وينظر هو الي وفي عينيه غضب شديد وقبل ان انطق حرف واحد يقول لي بغضب "عاوز ايه ياعم " فابتسم مرة اخري واقول له انا اريد ان اعقد معك صفقة كبيره فينظر الي متعجبا ويقول "صفقه... صفقة ايه " فابتسم للمرة الثالثه نفس الابتسامه البلهاء قائلا ان تعطيني مافي يدك واعطيك انا ضعفه ,فيسرع هو ويخبيء يده خلف ظهره قائلا " وانت عارف ايه اللي في ايدي ؟"  فاقول له لقد رايت كل ماحدث منذ سقطت هذه العمله الورقيه من جيب ذلك الرجل  قبل ان  يركب التاكسي حتي وصلت انت بهذه العمله الي هنا فيقول لي" وهاتديني ايه لو اديتهالك" فاقول له ان يعطني هذا الجنيه وياخذ بدلا منه اثنين فيتردد ولا يمد يده بالجنيه لي حتي يتاكد من ان الجنيهين في قبضة يده ويخطفهما مسرعا ويجري  بعيدا عني مسرعا ذاهبا الي متجر اخر قبل ان اغير رايي , وانا متاكد انه يقول بينه وبين نفسه ياليتني اقابل كل يوم مجنون مثل هذا .

 

تاملت انا العمله في يدي ثم ادركت ان مافعلته هو بدايه اولي مراحل الجنون التي اعتقد انني سوف امر بها كلها قريبا ,ولكن السؤال هنا لم فعلت هذا؟

-          الفكره كلها تتركز في انني احب ان اتخيل الاشياء وتدور في ذهني احداثها بسرعه ..وهو علي ماعتقد مايمهد لاصابتي بالجنون في القريب العاجل ... وماحدث هو انني تخيلت ان هذه العمله وهي تسقط ثم يتلقفها الولد علي انها انسان متعب ومرهق من الحياه يسقط علي الارض فاقدا الوعي يتلقفه الناس فيما بينهم لافاقته  لكن ما دفعني لاخذها من الطفل انني قد فكرت في ان اعطي هذه العمله فتره للراحه من حياة التجوال التي تعيشها وان اعطي نفسي فرصة اكبر للتفكير فيها ...اوليس هذا جنون فعلي ؟؟؟؟

 

-          اخذت العمله من الطفل وتاملتها قليلا ثم فتحت شنطة اللاب توب خاصتي والتي كل ومل منها كلا كتفايواخترت جيبا صغيرا ووضعت هذا الجنيه الورقي فيه وقلت له ابشر بفترة راحتك  لانك سترتاح من التناقل بين الايدي والجيوب والادراج قليلا , ثم اكملت سيري وانا افكر فيما فعلت.

 

-            واثناء سعادتي بانجازي والراحة التي تعيشها العمله الان بعد ان استقرت في ذلك الجيب الضيق المظلم تخيلت نفسي وقد جاء شخص  فجاه وحملني من ياقة التيشيرت والقي بي في مكان مغلق مظلم ضيق ورطب اكاد لا استطيع ان اتنفس فيه ثم اغلق علي وتركني وحيدا به بعد ان كنت حرا اسير اينما شئت وافعل ما اريد وقتما احببت .

 

-          وجدت نفسي وقد توقفت عن السير وانا افكر في هذا الامر وتخيلت انني ارتكبت جريمة في حق هذه العمله  حين احتجزتها في هذا المكان  ثم اخرجت محفظتي ونظرت الي كل العملات التي بها وابتسمت  , فقد ادركت انها ليست المرة الاولي التي احتجز فيها عمله حيث انني تذكرت انني قد احتجزت من قبل نصف جنيه معدني داخل ظلمات احد جيوب وسوست محفظتي الجلدية السوداء . لكن هذه اعلمه قد احتجزتها لانها لها ذكري جميله معي فاحببت ان احتفظ بالعمله والذكري لنفسي والا اكتبها هنا J

 

-          استمرت ابتسامتي قليلا ثم اعدت محفظتي الي مكانها وفكرت في السجين المحتجز بمفرده  لابد من ان يستعيد  حريته وصحبته ..وكما يقولون ايضا ..اصرف مافي الجيب ياتيك مافي الغيب , ومع علمي بخطا هذا المثل الا انني قررت ان اخرج ذلك الجنيه السجين من محبسه  ثم اضفت له اخا وسارعت الي مكتبه قريبه واشتريت منها قلمين جاف استخدمت احدهما في تدوين ما قراتم الان لكن في مفكرتي واحتفظت بالاخر لان لونه اسود كلون ذلك الجيب الصغير وتلك المحفظه الصغيره ايضا ووضعته في جيبي لاحتفظ باه لانني لم ولن استخدمه حتي يذكرني بما فعلت كلما اراه

 

-          اما نهاية الحكايه فكانت عندما عدت الي المنزل واكتشفت انني انا الانسان لا العمله وانني انا من وهبني الله القدره علي التفكير والاحساس  بينما هذه العملة لا قدرة لها سوي ان تتحرك  بكل طاعة من ايدي عمال المطابع الي صرافي البنوك  ومنهم الي ايدينا كي نتداولها حتي تهلك وتعود مرة اخيره الي صراف البنك  الذي يهتم بان يجمع الارقام المتسلسله علي كل من تلك المتهالكه ليعاد طبعها علي اوراق جديده وتعدم تلك المتهاكله .

 

-          وادركت ايضا انني لست مجنونا والحمدلله وانما كل ماحدث كان مجرد فكره دارت في راسي وانسقت انا ورائها حتي وصلت الي هذا السطر  كي اؤكد علي نهاية الاحداث . J

مصر والسينما الامريكيه

كلنا طبعا مدمنين افلام امريكيه لانها فيها خلطه جامده من الرومانسيه والاكشن والكوميديا .....وغيرها

بس احنا طبعا عارفين ان امريكا مابتعملش حاجه كده وخلاص يعني كل حاجه لها هدف وكمان احنا عارفين ان وسائل الاعلام لها تاثير كبير علي طرق تفكيرنا وانماط حياتنا وبالفعل نجحت وسائل الاعلام الامريكيه في نقل نمط الحياه الامريكيه العلمانيه للعالم اجمع

يبقي بالتاكيد هما كده نجحو في السيطره علي عقولنا

لكن ليه احنا مانكونش نقاد للماده اللي بنتعرض لها في اي وسيله من وسائل الاعلام ليه نكون مجرد ناس بتستقبل وتوقف حياتها كلها علي انها تكون مجرد مستقبل ليه ماتفكرش انك تعمل اعادة استخدام للماده اللي انت استقبلتها وتحللها كلها من كل جوانبها وتعرف كان المقصود من عرضها ايه؟

كنت بتفرج من شويه علي فيلم المتحولون الجديد transformers revenge of the fallen

انا متاكد من ان االفيلم جميل بس المشكله مش في ان الفيلم جميل ولا لا المشكله في ان

الفيلم كان مليان رسايل غريبه يسعي مصمموا الفيلم انهم يزرعوها في عقول الناس

فمثلا الفيلم بتدور احداث جزء منه علي الاراضي المصريه لكن الغريب ان مصر في الفيلم هي عباره عن صحرا وفيها شوية اثار علي عالم بدائيه جدا وكمان البيوت في مصر في الفيلم عباره عن بيوت من الطين او مجرد اكشاك من االخشب وكمان الخشب متاكل يعني حاولو يصورو مصر علي انها واحه بس ياريتها واحه خضرا لا دي واحه مليانه شخصيات من العالم او الناس اللي مالهمش اي صله بالعالم والناس . دي كانت الرساله الاولي

وطبعا الرساله دي هايتاثر بيها كل اللي ماحصلش انه يزور مصر قبل كده واللي بالتاكيد انه مش هايفكر يزورها بعد كده لانه ماكانش يعرف عنها غير لعنة الفراعنه والاهرامات وابوالهول علي كم معبد متنتورين في الصحرا واللي شافهم في الكم فيلم االلي دخلهم في السينما

اما الرساله الغريبه التانيه فهي ان ابطال الفيلم بيحاولو يعبروا الحدود المصريه عشان يدخلو الاردن واللي بذل كل صناع الفيلم جهدهم انهم يوضحوا ان مصر والاردن الفرق بينهم يدوب خمسين كيلو من عند خليج العقبه بحكم اشتراك الدولتين في الحدود عند خليج العقبه

وكمان ان الابطال في الفيلم في ثانيه بيكونو في مدينة البتراء في الاردن واللي كلنا طبعا عارفين قصتها وفي ثانيه بعدها يكونو نايمين تحت الهرم ..... وتيجي ازاي دي مش عارف؟؟؟؟

المصيبه في كده اما هما بيقولو ان الاردن مشتركه في الحدود مع مصر يبقي فين فلسطين ولا هم بيحاولو يوضحولنا ايه ؟؟؟؟؟ ان مثلا مافيش دوله اسمها فلسطين وانهم ناويين يضموها للاردن ؟؟؟؟؟؟ ماهو يمكن يحصل لاننا دايما جزء من مخططات غيرنا بس لو كده يبقي هم بيخططو مع مين؟؟؟انا مش عاوز اتهم حد بس بيتهيالي ان الناس دي بتفكر لسلام دولنا الاسرا..... اقصد الاسلاميه طبعا في المجتمع العربي من خلال نزع الثقافه من عقولنا وتوصيل المعلومات اللي هم عاوزين يوصلوهالنا وتنفيذ خططهم اللي هانكون طبعا كلنا تشبعنا بيها وكمان بقينا موافقين عليها من خلال اللي صوروهولنا من ان المجتمع كده هايكون احسن..... يبقي نرفض ليه؟؟؟

اما المصيبه الثالثه في الفيلم انهم بيحاولو يصورو ان الجيش المصري لا وجود له الا من خلال موظفين اغبيا يسهل اننا نلعب بعقولهم ونهرب منهم في ثواني

ففي لقطه عبور الحدود المصريه بيوقف الابطال في نقطة تفتيش كل اللي بيحصل فيها ان الضابط المصري بيصاب بحاله من الذهول اول مايعرف انهم من سياح من نيويورك علي اساس ان بلدنا مافيهاش اجانب امريكان خالص... ولا بنشوف اجانب في بلدنا ابدا.

والمصيبه الكبيره ان العربيات اللي هم راكبينها ماعليهاش حتي لوحات تسجيل ولا حتي هم معاهم اوراق مرور وعلي الرغم من كده سمحلهم الضابط المصري بالمرور مع وجود ابتسامه عريضه علي وشه ومش عارف هو مين البني ادم اللي كان بيمثل الدور ده لانه كان مقرف جدا

اما المخابرات المصريه اللي لعبت في دماغ العالم كله فهي في الفيلم ده طالعه في دور جميل جدا انها مجرد تابع او وسيله لنقل المعلومات للمخابرات الامريكيه اللي هي في ايدها طبعا السلطه كلها وياعيني علي الجمال وخليهم يضحكو علي نفسهم.

وفي لحظات الذروه في الفيلم بتحصل معارك كتيره علي الاراضي المصريه وعند الهرم وكمان بيتكسر فيها الهرم ولكن علي الرغم من كده مفيش اي وجود للجيش المصري في اي لقطه ولا حتي مجرد سعي للتدخل في اللي بيحصل علي ارض مصر.

والمصيبه الكبيره انهم في الفيلم بيغازلوا الحكومه الاردنيه بان الجيش الاردني بعت طيارتين هليكوبتر لمساعدة الجيش الامريكي اللي بيحارب علي ارض مصر لكن ياعيني علي حظهم بيتفرموا في الجو قبل حتي مايفكرو يضربو صاروخ واحد ولا يضغطو اي زرار .... وبيتهيالي ان الفكره بانت كده والحدق يفهم... حدود وانقاذ للجيش الامريكي ولو كلنا نفتكر 48 واللي حصل فيها واللي كمان كلنا قريناه في الكتب لما اوشكت الجيوش العربيه علي مسح اليهود بس اللي حصل والبيعه اللي باعها الكبير لاخواته ماتتنسيش واهو خد ملكه معاه تحت الارض .... ولا ايه؟؟؟

ولو ان انا عاجباني فكرة ان مصر مالهاش سلطه ولا كلمه وخليهم يفهمو الناس كده بس المهم اننا كلنا نكون عارفين قيمة جيشنا وقدراته وان اللي نقدر نعمله مافيش اي جيش تاني يعمله لاننا خير اجناد الارض بس هما يدونا الامكانيات والباقي علي الله وعلينا .

وفي حاجات كتير تاني ممكن نتكلم عنها من السينما الامريكيه زي فيلم المومياء والرجل الحديدي وكمان مسلسل ستار جيتstar gate

وغيرها كتيييييييييير بس نتكلم عنهم مره تانيه.

اعذروني

انا متاسف اني مابشتغلش كتير علي المدونه اليومين دول بس ياريت تعذروني لاني مشغول جدا الفتره دي لاني في الكليه ومابشتغلش نت كتير

تعليقاتكم

الموضوع اللي تحت ده فيه شوية كوميديا يعني حبه تفاريح بس انت شايف ان اللي فيه ده صح ولا غلط ؟؟؟؟؟
ياريت تكتبلي تعليقك علي الموضوع
لانه يهمني جدا
وعلي ف كره هاتلاقي كلمة تعليقات مكتوبه بخط رفيع وصغنطط عندك تحت ياريت تدور عليها في اخر النص
ومتاسف لاني هاتعب نظركم شويه
:)

امتحان ولكن !!!!!!!!!!!!!!!!!!!!!

السؤال الأول: التعبير

اكتب ما لايقل عن 650 سطر فى أحد الموضوعات التالي

ةلم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنةشهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عزبعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب

السؤال الثانى:

القصةمن قصة " وعهد الله ما انت داخل الانتخابات"

.. اقرأ القطعة وأجب عن الآتى

ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟ما هى اللحمة؟ أو على الأقل حدد أقرب معنى خيالى لهامرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البختلماذ ضربه الرجل بالجزمة وليس بالعصى مثلا؟؟أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى اختر

حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا

السؤال الثالث القراءة

من موضوع ( الزعيم..والفنان.. والقدوة) اقرأ القطعة وأجب

وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومةفى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة

السؤال الرابع

النصوص أجب عن أحد النصين الآتيين

من نص ( ماشربتش من نيلها)..اقرأ ثم أجب ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لهابعد رغبة صاحبة النص فى أن تلد ابنتها فى أمريكا لتحصل على الجنسية الأمريكية

..اختر..

ما المقصود بنيلها فى النص؟المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانهأكمل الأبيات إلى آخر كحكة فى الكليبقوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى من نص (حين ميسرة)..

أجب عن الآتى

اذكر اسم مصيبة واحدة محصلتش فى النص الأسود ده وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقىسبب وجود الشرطة كل خمس دقائق فى النصموسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر

السؤال الخامس

النحوأعرب ما تحته خط.. لو مالقيتش القطعة أصلا ..اتصرفذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلبكان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

السؤال السادس

كوز المحبة انخرم..طرطش على كمى..ياحبيبى بطل جفا وارحم عذاب امىاكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

بالعربي هانتكلم

وصف الرئيس الفرنسي نيكولا ساركوزي مؤخرا اللغة العربية بأنها "لغة المستقبل? والعلوم? والحداثة"? تزامنا مع سعي الحكومة الفرنسية لتدريس العربية في جميع مدارسها? وفقا لمجلة "بروسيل".

ده خبر انا قريته علي الانترنت والجميل فيه انه اخيرا لقينا واحد اتكلم عن شيء يخص العرب ومدحه بدل ما يفضل يقول انها لغة الارهابيين مثلا زي ماغيره من الاغبياء كانو بيشتموا العرب والاسلام والمسلمين ....... الخ .

وجميل جدا انه وصفها بانها لغة المستقبل .... بس ليه ؟؟ يمكن عشان بترول العرب ولا ايه ؟ يمكن بيعلمها لاولادهم عشان لما يفكر يسرق هو كمان بترول من دوله عربيه مايحتاجش لمترجمين ؟؟؟ ولا ايه السر بالظبط؟

اما لغة العلوم فده الطبيعي لان اللغه العربيه اتكتبت بيها معظم العلوم الاساسيه اللي ساعدت علي تطور الانسان او ظهور العلوم الحديثه

اما لغة الحداثه فدي اللي انا عاوز اتكلم عنها شويه

الحداثه لما هو بيقول لغة الحداثه هي الحداثه دي بالنسبه لتطور اللغه ولا ايه ؟؟؟ بالنسبه لينا احنا الحداثه والعصريه في الكلام يعني علشان تبقي انت شاب تمام وتبين للناس انك بتفهم حلو يبقي اعوج لسانك - معلش بس ان كل الكلام ده بالعاميه - ايوه يعني قول كلمه عربي وحط قبلها 15 كلمه انجليزي علي 16 فرنساوي وياسلااااام لو اديتهم شويه هندي ولا صيني تبقي خلطه تمام وانت عمال تمثل علي اللي قدامك وعايش في الدراما وهو مش عاوز يقولك انه مش فاهم حاجه علشان مايحرجش نفسه اصل انت طلعت راجل بتفهم حلو وبتتكلم 60 لغه ..... وتلاقيك انت مش فاهم انت بتتكلم في ايه اساسا بس ياعم هو حد بيدقق .

بس الغريب هنا ان الاوروبيين اغلبهم مش كلهم عندهم تعصب لغوي يعني مش زي حالنا تهرب من كل اصول اللغه وامكانيتها ولما واحد يفضل يمدح في اللغه العربيه واحنا اساسا مش طايقين نبص لكتب النحو يبقي العيب فينا ولا في اللي بيمدح في اللغه العربيه ؟؟؟

المهم ان لغتنا لغه جميله وياسلام لو كل واحد مننا يعتز بيها ويعبر عنها في كل مكان وبدل ماحنا بنمشي في الشوارع ونشوف مسميات اجنبيه في كل مكان يبقي نشوف اسماء المحلات والمطاعم والمكتبات ..... وكل حاجه في الشارع تكون مكتوبه بالعربي

ونعبر عن تراثنا وثقافتنا علي قد مانقدر علشان لما ييجي واحد غريب لبلدك يحس انه في فرق مش انه في تقليد عبيط لبلده هو , وياسلام كمان لو بقيت هدومنا مكتوب عليها بالعربي وبدل ماحنا ماشيين عاملين زي لوحات الاعلانات الاجنبيه يبقي عندنا ملابس بتعبر عننا يكون كل شيء في مصر والعالم العربي معبر عن ثقافته ولغته

ونهتم احنا بلغتنا ونحافظ عليها وعلي انتشارها واهو احنا اولا بالحفاظ عليها ونشرها من الغريب ولا انتم ايه رايكم؟؟؟؟؟؟؟

وبس.

التدخين ------ثم--------> المخدرات

التدخين

كم مره كنت في مكان وكان في واحد في المكان ده بيخنقك بدخان سيجارته ؟ وانت نفسك تقوم تطفي السيجاره دي في لسانه ؟؟

ولو انت مش من اللي بيتخنقو من دخان السجاير يبقي كم واحد طلب منك انك تطفي السيجاره اللي انت قارفه بدخانها؟؟؟ وهل انت طفيت السيجاره ولا لا ؟؟ وايه السبب ؟؟

المهم ... اننا كتير بنعاني من المدخنين اللي منتشرين في كل مكان حوالينا وهم ولا هم هنا يعني كانهم مابيعملوش حاجه تضايق حد من الناس اللي حواليهم .......... يا اخي دانت لما بتولع السيجاره بتموت نفسك ببطء ده غير انك بتضر كل الناس اللي انت بتجبرها انها تتنفس دخان سيجارتك ..... ولو انت مش واخد بالك هاتلاقي ان السجاير دي حرام ولواننا كلنا عارفين كده لان انت بالسجاير دي بتضر جسمك واللي ربنا سلمهولك عشان تعبده بيه مش عشان تدمره ولو انت مش مصدق يبقي شوف الصوره دي

وحاول انك تزعل نفسك .....بجد حاول انك تحس يعني حرك شوية الدم اللي عندك والحق نفسك قبل مالفاس تقع في الراس وتلاقي نفسك عندك درن ولا سرطان ولا اي مرض و ربنا يكفي الناس كلها شر الامراض دي ..ولو انت حاسس انك عنتر زمانك ومفيش حاجه باتثر فيك ولا في صحتك يبقي شوف انت بتكح كم مره في اليوم وبتيقي مش عارف تتنفس ولا لا ....كمان اجري شويه مع اصحابك ولا ابنك ولا اي حد وخد فتره طويله معاه في الجري بس بشرط مايكونش من المدخنين وابقي قابلني لو مابقيتش تزحف علي الارض عشان تحصله

واللي هايشوفك هايقول انك بتطلع في الروح مش بتتنفس .

ولو سالتك انت بتدخن ليه؟؟

هاتقولي طبعا اما انك بتنفس بيها عن غضبك ولا بتفك بيها ضيقتك ولا ياسلام لو قلتلي اصل النفخ حرام وبادل ماننفخ علي الفاضي والمليان ادينا بننفخ دخان السيجاره..!!!!!..مين اللي قال كده ؟؟؟

طيب ابقا انفخ ياسيدي

بس والنبي لما تنفخ انفخ مع نفسك في اي حته مافيهاش ناس يعني ماتخنقش الناس اللي حواليك بدخان سيجارتك وتقول اديني بنفخ.

وطبعا كل واحد ابتدا يتعلم التدخين كانت حجته انه كان حب استطلاع ...ولو انها صحبة سوء اولا واخيرا مش حب الاستطلاع اللي عندك

يعني واحد محترم صاحبك ونقول ان اسمه علواااااااااااااااااان اداك سيجاره وقالك جرب ياعم عشان تبقي راجل

وانت طبعا راجل وهاتجرب

وبعدها بشهرين تلاته تلاقي سي علوااااااااااااان جايلك وفي ايده حته بني وانت فاكرها شيكولاته ويقولك اضرب وانسي الدنيا ياحبيبي

وانت طبعا بتضرب وتلاقي الدنيا ابتدت تلف وانت ابتديت تهيس وتبقي الحكايه ملازماك وبعد ماكنت بتضرب تفاريح زي ماقالك صاحبك تلاقي الحكايه بقيت عاده وملازماك في كل وقت وكل ماتلاقي في جيبك قرشين تجري تلم اصحابك وتعملو ليله و تفضلو تغنو ياليله لحد ماتفوقو وتلاقو انكم اتقلبتم في موبايلين ولا في قرشين ولا حتي في حتتين هدوم مانتم مش داريين بالدنيا وبعد ماتفوقو تقولو ياريت اللي جري ماكان

ولا المصيبه لو كنتم بتهزروا ويقلب الموضوع بجد ....

يعني مثلا واحد صاحبي قالي انه كان في زمايله من ثانوي دخلو كلية هندسه خاصه في 6 اكتوبر وطلبت معاهم في ليله انهم يعملو ليله وواحد فيهم كان مخنوق من واحد تاني بس مش مبين فبيهزروا مع بعض راحو مكتفين اللي الزميلهم مخنوق منه وولعو فيه وطبعا الليله كان فيها مواد قابله للاشتعال يعني كحوليات وكده ......(ياريتها جت علي المخدرات وبس) .... وربنا يسامحهم هم وزميلهم اللي مات

وطبعا هم ضيعو عمرهم وعمر زميلهم علي حاجه مالهاش اي لازمه.

المهم لو فكرنا احنا هانستفيد ايه من المخدرات ولا من السلمه الاولي بتاعتها اللي هي التدخين مش هانلاقي اننا بنستفيد اي حاجه لا داحنا بالعكس بنضيع نفسنا ومستقبلنا علي مفيش

وياريت لو ان اي حد فهم الكلام كويس يحاول يفهم اللي حواليه كلهم

ولو انت عرفت ان اصحابك هايضروك و مش هاينفعوك يبقي ابعد عنهم ودور علي غيرهم ...... اه هي الحكايه مش سهله بس لازم الواحد يحاول.

وربنا يهدينا جميعا ومانبقاش زي الاخ اللي تحت ده ونبعد عن التدخين والمخدرات

انا مصري وابويا مصري........ وبعدين؟؟؟؟

ياعيني علي كلمة انا مصري وهي طالعه من الواحد كده تسمعها ولا كانها موسيقي

بس لما تساله عملت ايه لمصر يا حبيبي يقولك دي مصر فيها وفيها وفيها وفيها يعني ايه يعني يعني انت عاوز تفهمنا انك مابتحبش مصر ايوه يا سيدي انا مابحبهاش طيب يا سيدي لما انت مابتحبهاش مستني فيها ليه ؟ يقولك اصلي انا مستني اتخرج واسافر اشتغل بره هي مصر ادتني ايه عشان افضل فيها ؟؟؟

يابني ادم يا غ..

لما انت بتقول انك مستني تتخرج يبقي انت مصر بتصرف عليك عشان تعلمك والا كنت تخلي والدك يدخلك جامعه خاصه ويرحم الحكوميه من الغب.... اللي انت عايشه

وبعدين انت فكرك انك لما هاتسافر بره هاتبقي ملك زمانك دانت هاتتمرمط سواء كنت هاتشتغل في دوله عربيه ولا حتي هنديه !!!

يعني مابتشوفش مثلا اللي بيسافر ويشتغل يغسل اطباق طول عمره وفي الاخر يستغنو عنه ويرحلوه علي بلده في طبق ؟؟
ولا اللي يروح يشتغل في مزرعه في الخل..... ويحبو يستغنو عنه فيتهموه بانه سرق فرختين وسلقهم علي العشا

ولا اللي يروح يعالج الناس يعني بني ادم بيفهم واحتمال يكون عنده ضمير ويتهموه بانه كان بيوفر مخدرات ؟؟ وبعدين يعني ؟

هاتحب انك تتمرمط ولا ايه ؟ وبعدين البلد اللي هاتسافر وتشتغل فيها يوم ماهيكون عندها اللي يكفيها من ابنائها في المجال اللي انت يتشتغل فيه هاتقولك مع السلامه والقلب داعيلك يا غريبي ويمكن مايكونش القلب داعيلك ولا حاجه

المهم بلدنا فيها خير كتير بس انت فكرلك في فكره وحاول انك تعملها وماتعتمدش علي وظيفة الحكومه لانها بقيت موضه قديمه ومحدش بيدخلها بسهوله يبقي تشد حيلك وتشوف انت عاوز تعمل ايه وتفكر انت عملت ايه عشان توصله وكمان لسه في ايه في امكانك انك تعمله.

ومهما كان العز اللي هايجيلك مش هايبقي ليه طعم زي لما تعمله في بلدك وتساعد اهل بلدك بيه ولو كانت عاجباك اس....يل يبقي ماتفكرش اساسا لانه اكيد في واحد من عيلتك او من المنطقه اللي انت عايش فيها ضحي بروحه عشان يرجع حقه منها يبقي انت تروح تسلملهم نفسك؟؟ ولا انت عجباك عمايلهم في كل حته ؟؟؟؟ !!!!!!!!!!!!!!!!!!!!!!!!!!!!!!!!

المهم لو عاوز تحس بالفرق بجد وتعرف ان مصر كل يوم في احسن يبقي شوف الافلام القديمه بتاعت زمان الابيض واسود يعني وشوف البلد كانت ازاي والنهارده بقيت ازاي هاتلاقي فرق كبيييييييييير عن زمان وللاحسن طبعا

وعلي فكره الكلام ده من القلب يعني لاهو في حد قالي اكتب ولا حتي هاسمع كلام حد لو قالي اكتب بس الفكره ان الواحد لما بيشوف حاجه مش كويسه بتوجع قلبه عليها ولازم لازم يتكلم عنها واهو ادينا بنتكلم والجدع اللي يفهم الكلام ويفكر فيه ويحاول يعمل بيه.

واستنو الموضوع الجديد لو حبيتو .

صور واقعيه بس طبعا لكل حاله خواصها واكيد الدنيا مش كلها كده

اول حاجه مش عاجباني فينا احنا كشباب عامة وكشباب مصري بالاخص هي الاستهتار يعني اننا نادرا جدا لما بنفكر اننا نعمل حاجه بجد واهتمام يعني الواحد مابيكونش عنده ضمير وهو بيعمل الحاجه وبيقول اهي اي حاجه والسلام اقل شيء ممكن نقول عنه انه بيحصل فيه اهمال هو اهمالنا في الدراسه مثلا يعني الواحد بينفض كتير ومابيعملش الشغل اللي مطلوب منه علي اساس انه شاب روش ولما هو بينفض ويقضي وقته بيبقي واد تمام وييجي في اخر السنه يفضل يغش ويغش وهو مش فاهم انه لما بيغش بيغش نفسه ولا الجديده اننا بقينا نتفنن في اساليب الغش والواحد يتخرج وهو ح... في مجال التخصص بتاعه ويروح يشتغل في اي مجال تاني .
يعني مثلا كان عندي واحد صاحبي تخصص اذاعه وتليفزيون يعني يتخرج يشتغل في مجال الاعلام كان مقضي فترة الدراسه في النفاهات اربع سنين تفاهه ؟ ولما اتخرج ربنا كرمه وبقي يشتغل مفتش لمصنع كوكاكولا ؟؟؟؟؟؟ ايه وجه الشبه؟ ولا ايه صلة ده بده؟؟؟؟ والنصيبه الكبيره انه شم نفسه علي الناس اللي بيفتش عليهم عمو المفتش كرومبو يعني ودلوقتي كلنا بنقوله كرومبو بعد ماكان اسمه عدسه :) واهو اخرتها هايبقي موظف زيه زي اي موظف في الحكومه .


خدت بالك من حتة موظف حكومي دي علي اساس اني بتريق عليه يعني؟
وهو ماله الموظف الحكومي؟
ماهو راجل بيتعب ويشقي يروح الشغل يوميا في المعاد المحدد له ومش مشكله لو راح متاخر شويتين يعني ولا مايروحش خالص ماهو هايلاقي اللي يمضيله من ورا رئيس العمل بتاعه ولا كانه ربنا هايحاسبه عليه ولا حاجه
والجديد انهم مابقيوش زي ايام زمان الواحد فيهم يقولك فوت علينا بكره
لا ده دلوقت بقي قمه في التناكه وقلة الادب ويكلمك من مناخيره تقولش رئيس وزراء يا خي وهو يدوووووووب شايف اللي مكتوب قدامه في الورقه مع انه لابس نظارة نظر قربت تكسر مناخيره اللي هو شامم بيها نفسه عليك , ويدخل عليه في المكتب واحد لابس لبس محترم وتلاقي الموظف ينط من مكانه ويخلص ورق الراجل اللي جه بعدك ولا كانك واقف ليك سنتين ولا يجيله واحد يقله انا ابقي ابن ........... وتلاقي الموظف بياخده بالاحضان تقولش ابنه ويجيبله شاي ويخلصله كل اللي هو عايزه في غمضة عين ده يبقي ناقص يقعده مكانه علي الكرسي ويقبض في الاخر
وطبعا لا عزاء للشرفاء

لكن هايحصل ايه لو الراجل ده احترم نفسه وراح الشغل في ميعاده وراعي ضميره وخدم الناس وراعي ربنا قبل اي شيء


وبالمناسبه دي كمان هو احنا مابقيناش نخاف ربنا ولا ايه؟؟؟؟؟؟؟؟؟؟؟؟؟؟؟

يعني الواحد بيمشي في الشارع بيشوف بلاوي وطبعا هايعمل ايه؟؟؟
يعني تبقي ماشي في الشارع ونفسك تمسك العيل من دول وترفعله بنطلونه لحد ماتبوظه هو والبنطلون حته واحده ..... يعني ياسيدي انت عاجبك البوكسر اللي انت لابسه اوقف اتفرج عليه في المرايه وبلاش تفرج الناس اللي في الشارع علي .... ولا اعتبر ان اختك هي اللي ماشيه في الشارع هاترضي انها تتفرج علي بوكسر عيل ....... والنصيبه الكبيره لو كان البوكسر كمان متسقط ييييييييييييييييييييييييه
دي هاتبقي فرجه في الشارع ويبقي توتو ماشي في الشارع ومسقط البنطلون وياجيله توتي يقوله لو سمحت ممكن ................. وتلاقي الواد مش فاهم التاني بيكلمه في ايه ................... لان التسقيط ده علامه من علامات الش... وتبدا الخناقه في الشارع بين توتو وتوتي ويكون سببها سء تفاهم صغير اصل توتي كان فاكره ش وتوتو مش كده . ويوقف الرجاله والنسوان يتفرجو علي الخناقه

وكمان تلاقي البنت من دول
لابسه لبس اختها الصغيره والبس يكون ضييييييييييييييق يعني قرب يتفرتك منها وهي ولا هنا والنصيبه الكبيره انها تبقي متحجبه طيب ياستي احترمي حجابك وبلاش الضيق ده يعني وسعيه شويه ولا ايه هو الخياط كان حرامي ؟؟؟ ولو ان الخياطين دلوقتي مساكين والتوكيلات ضيعتها عليهم :) وتبقي البنت ماشيه تتقصع في الشارع وكانه مفيش غيرها في الشارع كله ويجي الواد من دول مش مصدق اللي هو شايفه وهوب تحصل النصيبه وتلاقي البنت بتصوت في الشارع ويجري الرجاله الجدعان يمسكوه ده ان كان في جدعان في الشارع ويفرمو الواد وتاخده البنت علي القسم وتخبطه قضية تحرش معتبره فيها 3 سنين ويمكن يبقو 30 لانه مش محترم وترجع البنت للبيت بتعيط طيب لما انتي زعلانه قوي كده بيتلبسي ضيق ليه ؟؟؟؟؟ وتلاقيها قاعده علي الكام فروج باليل وهي لابسه ...... وكانه مفيش حد بيشوف كاميرتها . ولا تقولك انا حصلتلي صدمه من حالة التحرش دي وهي ولا فارقه معاها اساسا
لانها لو بنت ناس ماكانتش هاتلبس هدوم اختها الصغيره ولا هاتترقص في الشارع ر ولو حتي هي لابسه ضيق زي مابيقولو مش كل الطير اللي يتاكل لحمه ماكانتش المفروض انها تدي فرصه لحد انها يقرب منها لا بنظره ولا ابتسامه ...............الخ .


ولا تلاقي ميدو الروش جايب عربيه بي ام جديده وواخد نانا وطالعين علي المقطم ولا اقلكم ريايحن علي اخر شلبي ويطفو النور ولا كان في ناس في الشارع ماهو طبعا مفيش لان الساعه وقتها بتكون 2 او 3 باليل وترجع نانا البيت تاني يوم وتقول لماما دانا كنت بذاكر مع دودي صاحبتي ولما تقع الفاس في الراس ولا هي وقعت وخلاص تيجي العيله كلها تعيط ويبقو عاوزين يقتلو ميدو طيب ماكان من الاول

كمان في الصلاه واللي المفروض انا كنت اتكلمت عنها في الاول احنا لو التزمنا بالصلاه واوامر ربنا مش هايحصلنا كتير من ده لكن نقول ايه احنا اللي بنعمل في نفسنا كده . تلاقي الواحد رايح يوم الجمعه متاخر خالص ويبقي بيشد في شعره لو الشيخ اتاخر وهو بيصلي الركعتين .
طيب مادمت متضرر قوي كده ياعم ماتحاول تيجي من الاول وتتركن في اخر الجامع وتسند دماغك علي الحيطه وتنام زي مابيعمل اصحابك واهو اسمك رحت الصلاه ( ده مجرد استهزاء وبس لحسن حد يصدق)
ولا لما يلاقي الواحد فيهم واحد صاحبه طالع بدري يتريق عليه تريقة الدنيا كله ويقعد يقوله ياعم الشيخ ويا امير الجامعه وياسيدنا جماعة مين ياعم ماهم بطلو الحاجت دي من زمان

ولا لو واحد قاعد يقرا القران في مواصله تلاقي الناس بتبصله ومركزين قوي معاه ولا لو كمان مطول دقنه وشايل شنطه تلاقي الدنيا كلها مركزه معاه في ايه في االشنطه واول مايفرقع كاوتش العربيه او الاتوبيس تلاقي الناس بتنزل علي الارض جري وهم بيبصو للراجل ابو دقن :)

احنا ممكن نسيب الناس في حالها بس حالها مش هايتغير بسهوله ولا هايفضل زي ماهو والحقيقه ان الناس مابتبطلش كلام

بس برضو الحياه مش كلها كده واكيد اكيد في ناس محترمه في مصر وفي العالم العربي

واستنو الباقي في الموضوعات اللي جايه

البدايه

السلام عليكم
انا عملت المدونه دي عشان تكون مكان اقدر اعبر فيه واقول كل اللي بيعجبني واللي مش عاجبني بس كل حاجه ليها حدود طبعا والحدق يفهم فالموضوعات هنا مش هاتكون حاده جدا بس علي الاقل هاحاول من خلالها اني اثبت اننا احسن من حالنا الحالي حلوه دي
واهو لما كل واحد يغير من نفسه يمكن نبقي احسن بكتيييييييييييييييييير وكمان مش هاتكون مجرد لت وعجن زي مابيقولو لكن هاتلاقي عندك معلومات كتير هاتحتاجلها في حياتك او حتي مجرد انك تغير من نفسك لما تقراها